أحزاب كباب

شو يا؟ اي انتا يا زميل قومي سوري يللي كنت معبيلي الغرفة بالجامعة صور انطون سعادة وشوي تانية حتصليلو؟ دخلك هاد نفسو انطون يللي ئال “إننا نحب الحياة لأننا نحب الحرية, ونحب الموت متى كان الموت طريقاً إلى الحياة” شو وينك مو طالعلك حس؟ يعني ئديش شفت صور و فيديوهات عن الثورة ماشفت ولا زوبعة من زوبعاتك, هلأ صار بشار حبيبك؟ هي الناس طلعت و خفت العين عليك كتير و عمك ماهر مشغول بالحموية لنافوخو, خدلك شي صورة قومية سورية عالجامع و شكها بهالمظاهرة؟ وينون اعيان حزبك يللي بيمثل شريحة مو صغيرة من الشعب يوئفو بضهر هيثم المالح ولو بكلمة يا اخي مابدنا وزير انتقالي, لا تصريح ولا شي؟ ولا بشار مفكر بيطير بكم معسكر شبيبي و تضل تئرا بروز اليوسف للصبح؟

وياصديقي الشيوعي, اي انت يللي ئاعد بشئتك بجديدة عرطوز عم تسحب بنفس الاركيلة و عم تسمع زياد, و عم تسب بكداش او الترك حسب شو بيك خبرك, شو وين المناجل يازلمة, و الله اشتهيت شوف شي منجل بهالثورة او شي صورة طايشة للينين ولك حتى لزياد!! ووينك تارك رياض الترك لحالو بوجه هالعصابة, طلاع عمول اية شي!

و ياصديقتي الناصرية, يللي كنتي بدك تحرري فلسطين باحلامك, و اكتر شي بتشوفي غلط بتاريخ سوريا مو الاحتلال الفرنسي لأ, انفصالنا عن مصر, وين صور عبد الناصر بهالمظاهرات؟ دخلك عم تطلعي انتي او خيك بهالمظاهرات؟

خايفين؟ حافظ الاسد ئتل عندكون الحس التنظيمي؟ بتشوفوا انو الثورة طلعت من الجوامع لهيك كخة؟ ولك اذا الاخوان المسلمين يللي انقصفوا بالدبابات و يللي صار مجرد سمعة انك سلمت على واحد منون بالشارع بتروح اعدام طالعين ومو فارئة معون لا حافظ ولا ابنو, شو ناطرين؟ طلعوا ورجوا العالم انو في شعب سياسي بسوريا, وانو نحنا جاهزين كسوريين نتعاون نعمول دولة, بدي الحكي يللي كنتو تصرعوني فيه عن ظلم النظام و تخلف النظام و ئديش احزابكون لو استلمت حتغير و تزبط بالبلد تطبئوه, ولاتفكروا ابداً حتركبو نجاح الثورة, الثورة كانت تنظيمياً اخوان مسلمين بامتياز و انا مع كل اختلافي معون (وحتى معكون, انو شيوعية يازلمة اذا روسيا صارت رأسمالية اكتر من اميركا) حكون اول واحد يوئف بوشكون و ئلكون انتو ماطلعتو, انتو ماعملتو شي, انتو احزاب كباب.

وربي يسر

النص هنا

Advertisements
هذا المنشور نشر في فاشية, الثورة, الربيع العربي, سوريا وكلماته الدلالية , , , , , , . حفظ الرابط الثابت.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s